Şir

Afrika qoruğunun meşəbəyisi Con Bullit günlərini savannada keçirir və qanunsuz ov edənləri izləyir. Onun on üç yaşlı qızı Patrisiya burada böyüyür. Qızcığazın ən yaxın dostu isə hələ uşaqlıqdan bəri ünsiyyətdə olduğu Kinq ləqəbli vəhşi şirdir.

Conun həyat yoldaşı Sibil isə qızının başqa cür yaşamasını istəyir. O, Patrisiyanın təhsil almaq üçün Avropaya getməsini və fərqli bir mühit görməsini arzulayır. Parisdən gələn jurnalist Jülyenin qəsəbəyə gəlişi ananın bu ümidlərini daha da artırır.

«Le lion» adlı bu macəra dramını fransız rejissoru Joze Pineyro ekranlaşdırıb. 2003-cü il istehsalı olan filmdə baş rolları Anuşka Delon, Putla Selapelo, Qetmor Sithoul və Seputla Seboqodi canlandırıblar.