Kibrit satan qız

Gənc İnqa kiçik dostu Emil ilə birlikdə amansız xanım Landsfridin idarə etdiyi yetimxanada qalır. Qadın uşaqları ağır işlərdə işlədərək onların əməyi hesabına rahat həyat sürür. Milad ərəfəsində uşaqları şəhər meydanına kibrit satmağa göndərirlər, lakin bayram sevinci içində olan şəhər sakinləri soyuqda donan yetimlərə məhəl qoymadan yanlarından keçirlər.

İnqa qazandığı az miqdarda pulu cəzadan qorumaq üçün dostu Emilə verir və özü tamamilə əliboş qalır. Gecə düşəndə kimsəsiz qız meydanda gözləməyə davam edir, lakin heç kim onun kibritlərini almır. Donmaq həddinə çatan qəhrəman vaxtilə ailəsi ilə yaşadığı köhnə evə sığınır və bir az isinmək üçün kibritləri tək-tək yandırmağa başlayır.

Almaniya istehsalı olan «Kibrit satan qız» filmini 2013-cü ildə rejissor Uve Yanson çəkib. Ailəvi fentezi janrında olan ekran əsərində baş rolları Lia Müller, Kerstin Kramer, Teo Trebs və Ferdinand Leman canlandırıblar. Ekran işi «Kral Drozdoborod» nağıllar silsiləsinin bir hissəsidir.