Allerleirauh

Həyat yoldaşını itirən kral yenidən evlənmək fikrinə düşür. Vəfat edən kraliçanın vəsiyyətinə görə, hökmdar yalnız onun kimi gözəl və qızılı saçlara malik bir qadınla ailə qura bilər. Bütün ölkədə bu tələblərə uyğun gələn yeganə namizəd isə kralın öz doğma qızı olur.

Atasının bu qərarı ilə barışmaq istəməyən şahzadə qız evlilikdən yaxa qurtarmaq üçün hiyləyə əl atır. O, atasından günəş, ay və ulduzlar kimi parıldayan üç fərqli don, həmçinin min cür vəhşi heyvanın dərisindən tikilmiş xüsusi xələt tələb edir. Kral isə qızının bütün şərtlərini yerinə yetirmək üçün ən yaxşı toxucuları və ovçuları saraya toplayır.

Almaniya istehsalı olan «Allerleirauh» ailəvi fentezi filmi 2012-ci ildə rejissor Kristian Teede tərəfindən ekranlaşdırılıb. Ekran əsərində əsas rolları Laura Vitzen, Ulrix Nöten və Andre Kaçmarçik canlandırıblar.