Janna d'Ark

Hadisələr on beşinci əsrdə cərəyan edir. Doğma kəndinin işğalçılar tərəfindən yandırılmasına və böyük bacısının amansızcasına öldürülməsinə şahid olan dindar qız Şinon şəhərinə yollanır. O, vəliəhd Karlın hüzuruna çıxaraq orduya qatılmaq və döyüşmək istədiyini bildirir.

Sərəncamına hərbi dəstə verilən gənc qız ingilis qoşunlarına qarşı hücuma keçir. Onun rəhbərliyi altında döyüşçülər bir neçə qələbə qazanaraq Orlean şəhərinin mühasirəsini yarmağa nail olurlar. Adı dillər əzbəri olan sərkərdəyə inanan əsgərlər yeni zəfərlər qazanmaq əzmi ilə irəliləyirlər.

«Jeanne d'Arc» tarixi hərbi dram filmi 1999-cu ildə fransız rejissoru Lük Besson tərəfindən lentə alınıb. Fransa, ABŞ və Çexiya kinematoqrafçılarının birgə istehsalı olan bu bioqrafik ekran əsərində baş rolları Milla Yovoviç, Con Malkoviç, Fey Danauey və Dastin Hoffman canlandırıblar.