Xəfiyyə

Məşhur detektiv yazıçısı Endrü Uayk arvadının sevgilisi Maylo Tindlı öz malikanəsinə dəvət edir. Qonaq bu zəngin evə gəldikdə gözlənilməz söhbətlə qarşılaşır. Ev sahibi onların gizli münasibətindən xəbərdar olduğunu bildirir və müəyyən şərtlər daxilində xanımını buraxmağa hazır olduğunu deyir.

Endrünün planına görə, onlar birlikdə evdə saxta qarət təşkil etməli və sığorta pulunu mənimsəməlidirlər. Nəticədə hər iki tərəf maddi qazanc əldə etməlidir. Lakin bu təhlükəli sövdələşmə tezliklə iki kişi arasında kəskin psixoloji mübarizəyə çevrilir və hiyləgər oyunun kimin xeyrinə bitəcəyi bəlli olmur.

«Sleuth» filmi 2007-ci ildə ABŞ və Böyük Britaniya kinematoqrafçıları tərəfindən çəkilib. Trillerin rejissoru Kennet Brana, baş rol ifaçıları isə Maykl Keyn və Cud Loudur.