Maykl Keyn

Doğum tarixi

14 mart 1933 (93 yaş) · Balıqlar

Doğum yeri

Böyük Britaniya

Maykl Keyn (əsl adı Moris Cozef Miklvayt) — dünya miqyasında məşhurlaşmış britaniyalı aktyor, prodüser və yazıçıdır. 14 mart 1933-cü ildə Londonun Roterhayt bölgəsində anadan olmuşdur. Keyn kiçik qardaşı ilə birlikdə sadə bir ailədə böyümüşdür: atası barjada balıqçı, anası isə xadimə işləyirdi. Təhsilini Uilson məktəbində almışdır. Səhnə təxəllüsünü isə onda böyük təəssürat yaradan «The Caine Mutiny» filminin adından götürmüşdür. Aktyor 1973-cü ildən model Şakira Bakş ilə evlidir və onların Nataşa adlı bir qızı var. Maykl Keyn yaradıcılığı dövründə zəngin kino təcrübəsi toplamış, çıxış etdiyi filmlər sayəsində nüfuzlu mükafatlar qazanmışdır. Onun bioqrafiyası «Oskar» mükafatına layiq görüldüyü «Hannah and Her Sisters» (1986) və «The Cider House Rules» (1999) filmləri ilə yanaşı, «Sleuth» (1972), «Dirty Rotten Scoundrels» (1988) kimi uğurlu layihələrlə zəngindir. Həmçinin BAFTA və «Qızıl Qlobus» mükafatlarının da sahibidir. Aktyorun müasir dövrdə çəkildiyi ən populyar filmlər sırasında rejissor Kristofer Nolanın «Batman Begins» (2005), «The Prestige» (2006), «The Dark Knight» (2008), «Inception» (2010) və «Interstellar» (2014) ekran əsərləri xüsusi yer tutur. Maykl Keyn tərəfindən canlandırılmış 24 kino işi AZfilm platformasında təqdim olunur.