Vəd

Qətl şöbəsinin təcrübəli əməkdaşı Cerri Blek üçün təqaüdə çıxmaq vaxtı yetişir. İş yoldaşları onun gedişini qeyd edərək uzun müddətdir arzuladığı balıq ovu üçün Meksikaya təyyarə bileti hədiyyə edirlər. Lakin dağlıq ərazidə səkkizyaşlı balaca qızın cəsədinin tapılması bütün bu planları yarımçıq qoyur.

Cerri istirahətini təxirə salaraq birbaşa hadisə yerinə yola düşür və acı xəbəri ailəyə çatdırmaq məsuliyyətini şəxsən öz üzərinə götürür. Qızın anası polisin qarşısında şərt qoyaraq qatili mütləq tapacağına dair ondan and içməsini tələb edir. Bu vədi verən Blek onun bütün həyatını dəyişəcəyindən hələ xəbərsizdir.

«The Pledge» («Vəd») filmi 2000-ci ildə ABŞ və Kanadanın birgə istehsalı kimi ekranlara çıxıb və ekran işinə Şon Penn rejissorluq edib. Kriminal dramın əsas rollarını Cek Nikolson, Patriya Klarkson, Benisio Del Toro və Aaron Ekhart canlandırıblar.