Sərt

Keçmiş OMON döyüşçüsü Kaverin özəl yükdaşıma xidməti göstərir. O, müştərilərə artıq sual vermir və çatdırdığı bağlamaların içində nə olduğunu heç vaxt yoxlamır. Lakin növbəti sifariş zamanı təyinat yerinə gəlib çatan sürücü ona verilən çamadanda qolları bağlı kiçik bir qız uşağı tapır.

Bəlli olur ki, cinayətkar dəstə uşağı girov götürərək fidyə tələb edib və şahiddən yaxa qurtarmaq üçün onu öldürmək niyyətindədir. Quldurların arasında Kaverinin keçmiş xidmət yoldaşı və köhnə düşməni Brıl da var. Sürücü kənarda qalmır, uşağı canilərin əlindən alaraq aradan çıxır və arxasınca düşən təqibçilərdən qaça-qaça qızın valideynlərini axtarmağa başlayır.

Rusiyanın «Sərt» (Krutoy) filmi 2012-ci ildə ekranlara çıxıb. Döyüş janrında çəkilən ekran əsərinin rejissoru Maksim Demçenkodur. Baş rolları Maksim Drozd, Mixail Polosuxin, Anna Lutseva və Sergey Qamov ifa ediblər.