İtalyansayağı soyğun

Həbsdən təzəcə çıxan Çarli Kroker dərhal böyük bir soyğun planı hazırlayır. Cinayət aləminin nüfuzlu siması mister Bricerin köməyi ilə o, ən bacarıqlı cinayətkarlardan ibarət dəstə toplayır. Komanda Turində əməliyyatı dəqiqliklə həyata keçirir və üç Mini Cooper avtomobili ilə dörd milyon dolları yerli polisin gözü qarşısından qaçırır.

Lakin külli miqdarda pulu ələ keçirdikdən sonra oradan uzaqlaşmaq asan olmur. Çarlinin və komandasının izinə həm yerli asayiş keşikçiləri, həm də İtaliya mafiyası düşür. Baş qəhrəman anlayır ki, qənimətlə birlikdə aradan çıxmaq cinayəti törətməyin özündən qat-qat çətindir.

Böyük Britaniya istehsalı olan bu komediya filmi rejissor Piter Kollinson tərəfindən 1969-cu ildə çəkilib. Ekran əsərində baş rolu Maykl Keyn ifa edir, digər rollarda isə Noel Kauard, Benni Hill və Raf Vallone yer alır.