Miss Kongeniallıq

Məktəb illərindən haqsızlığa dözməyən və sinif yoldaşlarını qorumağı bacaran Qreysi böyüyəndə FTB sıralarına qoşulur. İllər sonra ona olduqca çətin və qeyri-adi bir əməliyyat tapşırılır. Qreysi "Vətəndaş" ləqəbli seriyalı qatilin hədəfində olan "Miss Amerika" gözəllik müsabiqəsində cinayətkarın izinə düşməlidir.

Planı həyata keçirmək üçün o, yarışmaya qatılan qızlardan birinə çevrilmək məcburiyyətində qalır. Kobud xasiyyətli agent təcrübəli məsləhətçi Viktorun köməyi ilə zərif xanıma çevrilməyə çalışır. "Miss Congeniality" filmində qəhrəman çimərlik geyimi nümayişindən tutmuş səhnə davranışlarına qədər gülməli vəziyyətlərdən keçərək tapşırığı tamamlamağa çalışır.

2000-ci ildə ABŞ-da istehsal olunmuş filmin rejissoru Donald Pitridir. Baş rolları Sandra Bullok, Maykl Keyn, Bencamin Brett və Kəndis Berqen canlandırıb.