İki nəfərə bir şans

Avtomobil oğurlamaqda peşəkar olan gənc qız indicə həbsxanadan azadlığa çıxır. Qısa müddət sonra o, hər ikisi onun atası olmağa namizəd sayılan iki təcrübəli kişi ilə qarşılaşır. Onlar gözübağlı silah yığmağı bacarır və partlayıcı maddələrlə necə davranmaq lazım olduğunu çox yaxşı bilirlər.

Bu qeyri-adi üçlük qarşılaşdıqları çətinliklər səbəbindən bir araya gəlməyə məcbur olur. Artıq bir komanda halına gələn qəhrəmanlar Fransa polisinə və təhlükəli rus mafiyasına qarşı eyni vaxtda mübarizə aparırlar.

«1 chance sur 2» adlı komediya və döyüş filmi 1998-ci ildə Fransada rejissor Patris Lekont tərəfindən çəkilib. Baş rolları Jan-Pol Belmondo, Alen Delon, Vanessa Paradi və Erik Defoss canlandırıblar.