Qətl

Prezidentin xanımının yaxın ətrafında yer alan şəxslər bir-bir müəmmalı şəkildə həyatını itirir. Təhlükəsizlik xidməti mümkün risklərin qarşısını almaq məqsədilə birinci ledi üçün xüsusi mühafizəçi təyin edir.

Xidməti vəzifəsini yerinə yetirən cangüdən qadını addım-addım qorumağa başlayır. Dövlət başçısının ailədaxili soyuqluğu fonunda isə qorunan qadınla yeni mühafizəçi arasında gözlənilməz romantik yaxınlaşma yaranır.

1986-cı il istehsalı olan «Assassination» filmi döyüş, triller və melodram janrlarını birləşdirir. ABŞ istehsalı ekran əsərinin rejissoru Piter R. Hantdır, əsas rolları isə Çarlz Bronson, Uilyam Prins, Larri Sellers və Piter Lupus canlandırıb.