Ölüm arzusu 3

Gənclərdən ibarət quldur dəstəsi mənzilə basqın edir və onlara müqavimət göstərməyə çalışan qoca kişini amansızlıqla qətlə yetirir. Qonaq gələn Pol Kersi köhnə dostunun son nəfəsinə güclə çatır. Hadisə yerinə gələn polis isə qətldə Polun özünü günahlandırıb onu dəmir barmaqlıqlar arxasına salır. Təcridxanada Pol yerli cinayətkar liderlə toqquşur və bu andan etibarən aralarında barışmaz düşmənçilik yaranır.

Çox keçmədən polislər saxlanılan şəxsin Nyu-Yorkun məşhur qisasçısı olduğunu öyrənirlər. Müfəttiş onu azadlığa buraxaraq məhəllədə asayişi bərpa etmək üçün kömək istəyir. Dostunun boş qalmış mənzilində məskunlaşan Pol küçə cinayətkarlarına qarşı açıq müharibəyə başlayır.

ABŞ və Kanada istehsalı olan «Death Wish 3» filmi 1985-ci ildə ekranlara çıxıb və Maykl Uinner tərəfindən çəkilib. Döyüş dramında baş rolu Çarlz Bronson canlandırıb, digər rollarda isə Ralf Monako, Co Qonsales və Mark Stüart yer alıb.