Fedora

Televiziya xəbərləri əfsanəvi kino ulduzu Fedoranın Paris yaxınlığında qatarın altına düşərək həlak olduğunu bildirir. Qırx ildən çox dünya ekranlarını bəzəyən bu qadının ölümü keçmiş tanışı, iflasa uğramış prodüser Barri Dedvayleri dərindən sarsıdır. Hadisə onu aktrisanı sonuncu dəfə gördüyü günlərə və Yunanıstanın Korfu adasına apardığı səfərə qaytarır.

Barri qadını «Anna Karenina» motivləri əsasında hazırlanan layihəyə çəkilməyə razı salmaq üçün adaya yollanmışdı. Lakin ulduzun tikanlı məftillərlə əhatə olunmuş malikanəsindəki qəribə mühit, əlil qrafinya Sobrianski, həkim Vando və digər qapalı xidmətçilər görüşə hər vəchlə mane olurdu. Məşhur aktrisa həyatını itirdikdən sonra prodüser məhz bu şübhəli əhatəni onun ölümündə və intihara sürüklənməsində günahlandırır.

1978-ci ildə ekranlara çıxan «Fedora» melodram janrlı filminin quruluşçu rejissoru Billi Uaylderdir. Fransa və AFR kinematoqrafçılarının ortaq işi olan layihədə Ferdi Meyn, Reks MakQi, Xose Ferrer və Jak Mori kimi aktyorlar çəkiliblər.