Diamond Head

Havay adalarında böyük ananas plantasiyalarına sahib olan Riçard Houlend ABŞ Senatına seçilmək niyyətindədir. Geniş sərvətə və təsir gücünə malik olan bu maqnat ətrafındakı hər kəsin həyatını idarə etməyə alışmışdır. Lakin onun inadkar bacısı Sloun qardaşının təzyiqlərinə boyun əymək fikrində deyil.

Çox keçmədən Houlend idarəçiliyin hər sahədə keçərli olmadığını anlamağa məcbur qalır. Şəxsi həyatında üzləşdiyi çətinliklər ona pul və siyasi hakimiyyətin səmimi sevgi ilə daxili rahatlıq bəxş edə bilməyəcəyini göstərir.

«Diamond Head» melodram filmi rejissor Qay Qrin tərəfindən lentə alınmışdır. 1962-ci ildə ABŞ-də istehsal olunmuş ekran əsərində baş rolları Çarlton Heston, İvet Mimye, Corc Çakiris və Frans Nuyen canlandırıblar.