Banu

İkinci Qarabağ müharibəsi günlərində gənc ana imkanlı və nüfuzlu əri Caviddən boşanmaq qərarına gəlir. Həyat yoldaşı isə balaca oğlu Ruslanı ondan alaraq təkbaşına qəyyumluq tələb edir. Cavid iddia edir ki, qadın psixi cəhətdən qeyri-sabitdir və anaya yaraşan vəziyyətdə deyil.

Vəkil bildirir ki, məişət zorakılığını təsdiqləmək üçün yaxın qohumların ifadəsi kifayət etmir və mütləq kənar şahidlər lazımdır. Məhkəmə iclasına cəmi dörd gün vaxt qalır. Çıxılmaz vəziyyətə düşən ana bu müddət ərzində onun lehinə ifadə verməyə razı olacaq ən azı bir kənar şəxs tapmalıdır.

«Banu» dram filminin rejissoru Təhminə Rafaelladır. 2024-cü ildə Fransa, İtaliya, İran və Azərbaycanın birgə istehsalı ilə çəkilən ekran əsərində əsas rolları Mələk Abbaszadə, Zemfira Əbdülsəmədova, Nurlan Ağayev və Həcər Ağayeva canlandırıblar.