Digər tərəfdə

Hamburqda tək yaşayan yaşlı dul kişi Əli günlərini qırmızı fənərlər məhəlləsində keçirir. Orada Yeter adlı qadınla qarşılaşan Əli ona eyni qazanc müqabilində öz evinə köçməyi təklif edir. Əlinin alman dili üzrə universitet müəllimi olan oğlu Necat atasının bu addımına əvvəlcə qarşı çıxır. Lakin qadının qazandığı vəsaiti İstanbulda oxuyan qızı Aytənə göndərdiyini öyrənən gənc müəllim ona dərin hörmət bəsləməyə başlayır.

Yeterin qəfil ölümü ailənin həyatını alt-üst edir. Vicdan əzabı çəkən Necat Aytəni tapıb təhsilinə kömək olmaq üçün Türkiyəyə yola düşür. Siyasi fəaliyyətlə məşğul olan Aytən isə artıq ölkəni tərk edərək Almaniyaya sığınıb. Orada gənc qız Lotta və anası Züzanna ilə tanış olur, bu təsadüfi əlaqələr isə fərqli insanların talelərini gözlənilməz şəkildə bir nöqtədə birləşdirir.

«Auf der anderen Seite» («Digər tərəfdə») dram filmi 2007-ci ildə rejissor Fatih Akın tərəfindən çəkilib. Almaniya, İtaliya və Türkiyənin birgə istehsalı olan bu ekran əsəri «Love, Death and Evil» trilogiyasına daxildir. Əsas rollarda Baki Davrak, Gürsoy Gemec, Cengiz Daner və Tuncel Kurtiz çəkiliblər.