Burlesk

Valideynlərini yenicə itirmiş gözəl səsli gənc Əli öz bəxtini sınamaq üçün Los-Ancelesə yola düşür. Böyük şəhərdə o, Tess adlı qadının rəhbərlik etdiyi «Burlesk» gecə klubunda iş tapır. Bu məkan tezliklə onun üçün sadəcə qazanc yeri deyil, həm də istedadını göstərə biləcəyi bir səhnəyə çevrilir.

Qısa zaman kəsiyində qız yeni mühitdə sadiq dostlar, pərəstişkarlar və həyatının sevgisini qazanır. Lakin uğurun arxasınca dərhal paxıllıq və rəqabət də gəlir. İstedadlı rəqqasənin parlaması heç də hamının xoşuna gəlmir və nağıla bənzəyən bu həyat sınaqlarla üzləşir.

2010-cu ildə ABŞ-da çəkilmiş «Burlesk» musiqili dram filminin rejissoru Stiv Entindir. Ekran əsərində əsas rolları Kristina Aqilera, Şer, Kem Jiqande və Kristen Bell canlandırıblar.