Şer

Doğum tarixi

20 may 1946 (80 yaş) · Buğa

Doğum yeri

El-Sentro, ABŞ

Şer — erməni əsilli amerikalı aktrisa, pop-ifaçı, mahnı müəllifi, prodüser və kinorejissordur. O, 20 may 1946-cı ildə ABŞ-ın Kaliforniya ştatının El Sentro şəhərində anadan olmuşdur. Karyerasına 17 yaşında başlayan sənətçi 1965-ci ildə "Sonny & Cher" duetinin ifa etdiyi "I Got You Babe" mahnısı ilə məşhurlaşmışdır. O, solo ifaçı kimi böyük nailiyyətlər qazanmaqla yanaşı, televiziya üçün hazırlanan "The Sonny & Cher Comedy Hour" şousuna görə "Qızıl Qlobus" mükafatına layiq görülmüşdür. Şer həmçinin kino sahəsində böyük uğurlar əldə etmişdir. 1984-cü ildə "Silkwood" filmindəki roluna görə "Oskar" mükafatına namizəd olmuş, "Mask" (1985) ekran əsəri ilə Kann Film Festivalında ən yaxşı qadın rolu mükafatını qazanmışdır. 1987-ci ildə çəkilən "Moonstruck" filminə görə isə ən yaxşı qadın rolu nominasiyasında "Oskar" laureatı olmuşdur. Onun çəkildiyi məşhur ekran işləri sırasına "The Witches of Eastwick" və "Mermaids" (1990) filmləri də daxildir. Şerin bioqrafiyası "Oskar", "Qremmi", "Emmi" və üç "Qızıl Qlobus" daxil olmaqla çoxsaylı nüfuzlu təltiflərlə zəngindir. Aktrisanın iştirak etdiyi filmlər arasında "Tea with Mussolini" (1999), "Burlesque" (2010) və arxiv görüntüləri ilə yer aldığı "Val" (2021) layihələri də xüsusi diqqət çəkir. O, 2008–2011-ci illərdə "Cher at the Colosseum" adlı şou proqramı ilə də səhnədə uğurla çıxış etmişdir.