Qaçan sevgi

Antuan Duanelin artıq otuzdan çox yaşı var. O, nəşriyyatda korrektor işləyir, nəsrlə məşğul olur və musiqi plastinkaları satan Sabina ilə görüşür. Eyni zamanda qəhrəman həyat yoldaşı Kristina ilə yollarını ayırır; bu ayrılıq Fransada qarşılıqlı razılıq əsasında rəsmiləşdirilən ilk boşanma kimi qeydə alınır.

Antuanın həyatı avtobioqrafik romanının üzə çıxması ilə fərqli məcraya yönəlir. Kitab təsadüfən onun keçmiş sevgilisi Kolettanın əlinə keçir. Yazılanları oxuyan Koletta yenidən Duanellə üz-üzə gəlir və köhnə xatirələr yada düşür.

«L'amour en fuite» filmini 1979-cu ildə fransız rejissoru Fransua Trüffo ekranlaşdırıb. Əsas rolları Jan-Pyer Leo, Mari-Frans Pizye, Klod Jad və Dani ifa edir. Ekran əsəri Antuan Duanel haqqında çəkilmiş məşhur silsilənin tərkib hissəsidir.