İstiqanlı qadın

1920-ci illərin Paris karnavalında Elena və Manuelin yolları kəsişir. Qəhrəmanlar arasında ani bir hiss yaransa da, bu tanışlıq gənc kişi üçün bəlaya çevrilir. O, bu qadının güclü təsiri altına düşərək onun ovsunladığı növbəti qurbana çevrilir.

Elenanın bircə baxışı kişilərin ağlını başından almaq üçün kifayət edir. Onun naminə külli miqdarda sərvətlər xərclənir, duellər təşkil olunur və insanlar canlarına qəsd edirlər. İllər sonra isə amansız zaman hər şeyi dəyişir və cazibəsini itirən qadın Parisin soyuq küçələrində tənha qalır.

1926-cı il istehsalı olan «İstiqanlı qadın» (The Temptress) filmini ABŞ rejissorları Fred Niblo və Morits Stiller çəkiblər. Melodram janrlı filmin baş rollarında Qreta Qarbo, Antonio Moreno, Mark MakDermott və Layonel Berrimor çıxış edirlər.