Qreta Qarbo
Aktrisa

Qreta Qarbo

Greta Garbo
Doğum tarixi
18 sentyabr 1905 · Qız
Ölüm tarixi
15 aprel 1990 (84 yaş)
Doğum yeri
Katarina, İsveç
24layihə
24film
1924–1982kinoda

Qreta Qarbo — səssiz və klassik səsli kino dövründə böyük şöhrət qazanmış İsveç və ABŞ aktrisasıdır. 18 sentyabr 1905-ci ildə Stokholmda anadan olan sənətçinin əsl adı Qreta Lovisa Qustafssondur. Karl və Anna Qustafssonun ailəsində üçüncü uşaq kimi böyüyən aktrisa, 1918-ci ildə atasının vərəmdən vəfat etməsi səbəbindən məktəbi yarımçıq qoyaraq işləməyə məcbur olub. 1922–1924-cü illərdə Stokholmdakı Kral Dram Teatrının məktəbində aktyorluq təhsili alarkən rejissor Morits Stiller ilə tanış olub. Məhz Stiller ona Qreta Qarbo təxəllüsünü verib, təlimi ilə məşğul olub və «Gösta Berlings saga» adlı səssiz filmdə baş rola çəkib. Sonrakı illərdə zənginləşən yaradıcılıq bioqrafiyası ona dünya şöhrəti gətirib. Qreta Qarbonun iştirakı ilə filmlər arasında «Flesh and the Devil», «Grand Hotel», «Mata Hari», eləcə də Marqarit Qotye rolunu canlandırdığı «Camille» (1936) və Nina Yakuşova obrazını ifa etdiyi «Ninotchka» (1939) ekran əsərləri xüsusi yer tutur. Karyerasının ilk dövrləri istisna olmaqla, aktrisa qapalı həyat tərzi sürüb, premyeralara qatılmayıb və müsahibələrdən yayınıb. Qreta Qarbo 15 aprel 1990-cı ildə 84 yaşında Nyu-York klinikasında sətəlcəm və böyrək çatışmazlığından vəfat edib.

Tərcümeyi-hal AZfilm redaksiyası tərəfindən hazırlanıb

Tanındığı işlər

Filmoqrafiya

Tez-tez birgə işlədiyi