Köməkçi

Universiteti yenicə bitirən Skiter doğma və sakit Cekson şəhərinə qayıdır. Ətrafdakılar onun ailə qurub ev işləri ilə məşğul olmasını gözləsə də, gənc qız yazıçı olmaq arzusundadır. Eyni şəhərdə ağdərili ailələrdə çalışan iki qaradərili qadın yaşayır: oğlunu itirmiş və ömrü boyu on yeddi uşağa dayəlik etmiş təmkinli Eybilin və kəskin dili ucbatından tez-tez iş yerini dəyişən istedadlı aşpaz Minni.

Fərqli həyat təcrübəsinə malik bu üç qadını ədalət hissi və mövcud qaydaları dəyişmək istəyi bir araya gətirir. Ağdərili qızla iki xidmətçinin birgə addımı onları altmışıncı illərin cənub mühitində kök salmış qanunlarla və yerli cəmiyyətin təzyiqləri ilə üz-üzə qoyur.

«Köməkçi» dram filmi 2011-ci ildə rejissor Teyt Teylor tərəfindən ABŞ və Hindistanın birgə istehsalı kimi lentə alınıb. Ekran əsərində baş rolları Emma Stoun, Viola Devis, Brays Dallas Hovard və Oktaviya Spenser canlandırıblar.