Sanset bulvarı

Gənc ssenarist Co Gillis ciddi maliyyə çətinlikləri ilə üzləşib. Borc verənlər onun arxasınca düşüb, yeməyə belə pulu qalmayıb və çıxış yolu görünmür. Borclulardan qaçmaq üçün maşınla hara gəldi sürərkən təkərinin partlaması nəticəsində avtomobili idarəetmədən çıxır və köhnə bir malikanənin həyətinə daxil olur.

Bu mülkün sahibi vaxtilə böyük şöhrət qazanmış, lakin artıq unudulmağa başlayan səssiz kino ulduzu Norma Desmonddur. Aktrisa hələ də keçmiş şöhrətinin xəyalları ilə yaşayır və böyük ekrana qayıtmağı arzulayır. Təsadüfi qəza nəticəsində başlayan bu tanışlıq Co üçün tənha aktrisanın qəribə dünyasının qapılarını açır.

1950-ci ildə çəkilmiş ABŞ istehsalı olan «Sunset Boulevard» dram filminin rejissoru Billi Uaylderdir. Əsas rolları Uilyam Holden, Qloriya Svenson, Erix fon Ştroheym və Nensi Olson canlandırıblar.