Sissi – gənc imperatriça

Vyanadakı dəbdəbəli toy mərasimindən sonra Yelizaveta saraydakı yeni həyatına öyrəşməyə çalışır. Bavariyanın azad təbiətində böyüyən gənc qadın üçün qatı saray qaydaları, xüsusən də öz körpəsini tərbiyə etməyə qoyulan qadağa böyük bir sınağa çevrilir.

Frans İosif arvadını sevsə də, ənənələrin və anasının qəti iradəsinin qarşısında geri çəkilir. İncik düşən və qəzəblənən Sissi ata ocağına qaçır, lakin imperator onu saraya qayıtmağa razı salır. Ailə həyatına qarışan hersoqina Sofi ilə münasibətləri qaydasına salmaq üçün gənc hökmdar artıq diplomatik yollara əl atmağa başlayır.

1956-cı ildə ekranlara çıxan «Sissi – gənc imperatriça» tarixi dramını Avstriya rejissoru Ernst Marişka çəkib. Əsas rolları Romi Şnayder, Karlhaynts Böm, Maqda Şnayder və Qustav Knut ifa edirlər. Bu ekran əsəri məşhur «Sissi trilogiyası»nın bir hissəsidir.