Torağay yuvası

Hadisələr 1915-ci ildə, iyirmi ildir görüşməyən iki qardaşın ətrafında cərəyan edir. Əsədulla İtaliyaya köçərək Venesiyada tanınmış həkim kimi fəaliyyət göstərir və yerli əsilzadə qadınla evlənir. Ərəm isə Anadoludakı kiçik şəhərdə torpaq sahibi kimi qalır, həm yerli erməni icması, həm də Osmanlı məmurları arasında hörmət qazanır.

Qohumlar illər sonra bir araya gəlməyi arzulayır. Venesiyadakı ailə yola çıxmağa hazırlaşarkən, Ərəm uşaqlıqlarının keçdiyi ata mülkü olan malikanəni təmir etdirir. Lakin Birinci Dünya müharibəsinin başlaması bütün planları alt-üst edir. İtaliya sərhədlərini bağlayır, Türkiyə hərbçiləri isə erməni ailələrinə qarşı əməliyyatlara başlayır.

"The Lark Farm" tarixi dram filmini Paolo Taviani və Vittorio Taviani qardaşları lentə alıb. İtaliya, İspaniya, Almaniya, Fransa və Bolqarıstanın birgə istehsalı olan 2007-ci il ekran əsərində baş rolları Pas Veqa, Morits Blyaybtroy, Alessandro Pretsiozi və Anxela Molina canlandırıb.