Mister Tale

Avtomobili xarab olan adi ofis işçisi Larri yol kənarındakı kiçik kafedə dayanmağa məcbur qalır. Burada kömək gözləyən qəhrəman barmenin qarşısında əyləşir və uğursuz hesab etdiyi həyatından gileylənir. O, keçmişdə baş verən hadisələr başqa cür nəticələnsəydi, hər şeyin necə fərqli olacağını düşünür.

Masarxası işçi Larrinin şikayətlərini səssizcə dinləyir və bu söhbətdən dərhal sonra qəhrəmanın dünyası tamamilə dəyişir. O, artıq zəngin bir şirkətin rəhbərlərindən birinə çevrilir. Əvvəlki problemlərin yerini dəbdəbəli maşınlar və gözəl bir həyat yoldaşı alır.

Fantastika, komediya və melodram janrlarını birləşdirən «Mister Tale» filmi 1990-cı ildə ABŞ-da istehsal olunub. Rejissor Ceyms Orrun lentə aldığı layihədə əsas rolları Ceyms Beluşi, Maykl Keyn, Linda Hemilton və Con Lovits canlandırıb.