Makbetin faciəsi

Döyüşdən qayıdan Şotlandiya sərkərdələri Makbet və Banko yolda üç cadugərlə qarşılaşırlar. Qadınlar Makbetin tezliklə Kavdor tanına və ölkənin hökmdarına çevriləcəyini, Bankonun isə gələcək kralların əcdadı olacağını xəbər verirlər. Çox keçmədən kral Dunkan Makbetə vəd olunan torpaqları bağışlayır və ilk öncəgörmə gerçəkləşir.

Taxt barədə düşünməyə başlayan lord, hakimiyyət hərisi olan arvadının təhriki ilə təhlükəli addım atmaq qərarına gəlir. Kral qonaq kimi onların qəsrinə gəldikdə, ər-arvad tac naminə Duncanı öldürmək planını qurur.

ABŞ istehsalı olan «Makbetin faciəsi» dram filmi 2021-ci ildə rejissor Coel Koen tərəfindən çəkilib. Ekran əsərinin baş rollarında Denzel Vaşinqton, Frensis Makdormand, Aleks Hessell və Berti Karvel çəkiliblər.