Coel Koen

Doğum tarixi

29 noyabr 1954 (71 yaş) · Oxatan

Doğum yeri

ABŞ

Boy

1.83 m

Coel Koen — məşhur Amerika kinorejissoru və prodüseridir. O, 29 noyabr 1954-cü ildə ABŞ-ın Minnesota ştatının Minneapolis şəhərində, iqtisadçı professor Edvard Koen və sənətşünas Rene Koenin ailəsində anadan olub. Qardaşı İtan və bacısı Debora ilə Sent-Luis Park qəsəbəsində böyüyən Coel ilk addımlarını yeniyetmə yaşlarında atıb. Qazon biçərək pul toplayan qardaşlar Super-8 kamerası alaraq qonşuluqdakı uşaqların iştirakı ilə «The Lumberjacks of the North» adlı həvəskar qısametrajlı film çəkiblər. St. Louis Park High School və Simon's Rock Early College təhsil ocaqlarını bitirdikdən sonra Coel Koen Nyu-York Universitetinin kino fakültəsində təhsil alıb. Tələbəlik illərində Soundings adlı yarım saatlıq ağ-qara ekran işi hazırlayıb. Universiteti başa vurduqdan sonra operator və rejissor Barri Zonnenfeldin yanında köməkçi kimi çalışıb. Coel Koen bioqrafiyası boyu dünya kinosuna təsir etmiş bir çox uğurlu layihələrə imza atıb. Onun filmləri arasında «Miller's Crossing» (1990), «Barton Fink» (1991), «Fargo» (1995) və «The Big Lebowski» (1998) xüsusi seçilir. Rejissor və prodüser kimi həmçinin «The Man Who Wasn't There» (2001), «No Country for Old Men» (2007), «True Grit» (2010) bədii filmlərində və «Fargo» (2014) televiziya serialında çalışaraq kino tarixində böyük iz qoyub.