Las-Veqasda baş verənlər

Las-Veqasdakı səs-küylü əyləncədən sonra bir-birini tanımayan iki yad insan eyni yataqda oyanır. Ötən gecənin təfərrüatlarını xatırlamağa çalışan cütlük təkcə rəsmi nikaha daxil olduqlarını deyil, həm də nəhəng bir cekpot qazandıqlarını öyrənir. Qəfil gələn qələbə vəziyyəti daha da qəlizləşdirir.

Yeni evlənənlər qazanılan var-dövləti bölüşmək əvəzinə tamamilə fərqli planlar qururlar. Onların hər biri təsadüfi həyat yoldaşından yaxa qurtarmaq və bütün uduşu təkbaşına əldə etmək niyyətindədir. Pula sahib olmaq istəyi tərəflər arasında kələklərlə dolu gizli bir qarşıdurma başladır.

ABŞ istehsalı olan «What Happens in Vegas» filmi 2008-ci ildə ekranlara çıxıb. Romantik komediya janrında çəkilmiş ekran əsərinin rejissoru Tom Vondur, baş rolları isə Kameron Diaz və Eşton Kutçer canlandırıb.