Ceyson Sudeykis

Doğum tarixi

18 sentyabr 1975 (51 yaş) · Qız

Doğum yeri

ABŞ

Ceyson Sudeykis — komediya layihələri və "Ted Lasso" serialındakı obrazı ilə tanınan amerikalı aktyor, komik, ssenarist və prodüserdir. Tam adı Deniel Ceyson Sudeykis olan sənətçi 18 sentyabr 1975-ci ildə ABŞ-ın Virciniya ştatının Ferfaks şəhərində anadan olub. İki böyük bacısı ilə birlikdə böyüyən Ceysonun atası biznes sahəsində çalışıb, anası isə müxbir olub. Fort-Skott kollecində təhsil alan aktyor məktəb illərində basketbolla fəal məşğul olub və indiyədək "Kansas City" komandasının sadiq azarkeşidir. Ceyson Sudeykis kinoda həm güldürü, həm də dramatik rolları uğurla canlandırıb. Aktyorun iştirak etdiyi məşhur film və seriallar arasında "Horrible Bosses" (2011), "Hall Pass" (2011), "We're the Millers" (2013), idman mövzulu "Race" (2016) dramı, eləcə də "Hit-Monkey" (2021) və "Inside Out 2" (2024) animasiyaları yer alır. Aktyorun tərcümeyi-halında əsas dönüş nöqtəsi həm baş rolunu oynadığı, həm də prodüserlik etdiyi "Ted Lasso" (2020) layihəsi olub. Bu rola görə o, "Qızıl Qlobus" (2021, 2022), "Emmi" (2021, 2022) və ABŞ Kinoaktyorlar Gildiyasının (2022) mükafatlarını qazanıb. Şəxsi həyatında aktrisa Oliviya Uayld ilə münasibətdə olan aktyorun bu evlilikdən Otis adlı oğlu və Deyzi adlı qızı var.