Ağ Milad

İkinci Dünya Müharibəsindən sonra ordudan qayıdan Bob Uollas və Fil Devis birlikdə səhnəyə çıxmağa başlayırlar. Qurduqları musiqili rəqs dueti tez bir zamanda böyük şöhrət qazanır və onların çıxış qrafiki aylarla əvvəlcədən dolur.

Günlərin birində bu iki sənətçi Betti və Cudi adlı bacıların ifaçı dueti ilə tanış olur. Gənclər dördlük şəklində birləşərək Milad ərəfəsində xüsusi konsert təşkil etmək qərarına gəlirlər. Bu çıxışın məqsədi onların keçmiş komandiri, istefada olan general Uoverlayın idarə etdiyi xizək istirahət mərkəzinə kömək etməkdir.

ABŞ istehsalı olan «White Christmas» musiqili komediya filmi 1954-cü ildə rejissor Maykl Körtits tərəfindən çəkilib. Baş rolları Binq Krosbi, Denni Key, Rozmari Kluni və Vera-Ellen canlandırıblar.