Parkda ayaqyalın

Bal ayını başa vuran yeni evlənmiş Pol və Kori Bratter cütlüyü ilk ümumi mənzillərinə köçürlər. Lifti olmayan binanın ən üst mərtəbəsində yerləşən bu balaca kirayə evə çatmaq üçün hər dəfə uzun pilləkənləri qalxmaq lazım gəlir. Otaqlarda hələlik heç bir mebel və vanna yoxdur, tavandakı yarıqdan isə evə fevral ayının soyuq küləyi dolur.

Çox keçmədən cütlüyün həyatına çardaqda məskunlaşmış 58 yaşlı Viktor Velasko daxil olur. Yığılmış borclar səbəbindən mənzil sahibi qapının qıfılını dəyişdiyi üçün bu qəribə qonşu öz otağına məhz gənclərin evindən keçib dam vasitəsilə getməli olur. Təmkinli Pol bu vəziyyətə narazılıqla yanaşsa da, şən xasiyyətli Kori yaşlı qonşunu bəyənir və onu əri ilə anası Etelin iştirak edəcəyi ailə şamına dəvət edir.

ABŞ istehsalı olan «Parkda ayaqyalın» (Barefoot in the Park) romantik komediya filmi 1967-ci ildə rejissor Cin Saks tərəfindən ekranlaşdırılıb. Ekran əsərində əsas rolları Ceyn Fonda, Mildred Netvik, Herb Edelman və Frits Feld canlandırıblar.