Movie 43

Kelvin və Cey Cey adlı iki dost hazırladıqları videonu ViewThisTUBE platformasına yükləyirlər. Yoldaşları Bakster saxta baxış sayı toplayaraq onların hissləri ilə oynayır. Həmin zarafatın əvəzini çıxmaq istəyən gənclər Baksterin fərdi kompüterinə internetdən müxtəlif zərərli viruslar doldurmağı qərara alırlar.

Qisas planını həyata keçirmək üçün uşaqlar «Movie 43» adlı gizli və dünyanın ən qorxulu kinosu barədə uydurma hekayə danışırlar. Onların iddiasına görə, FTB və MKT həmin lentin axtarışındadır. Bu sözlərə inanan Bakster dostlarının yanına gələrək qadağan olunmuş internet saytlarında sirli filmi tapmağa çalışır.

ABŞ istehsalı olan bu komediya filmi 2013-cü ildə təqdim edilib. Ekran əsərinin quruluşçu rejissorları Elizabet Benks və Piter Farrellidir. Əsas obrazları Keyt Bosvort, Ceremi Allen Uayt, Stiven Merçant və Ceyson Sudeykis canlandırıblar.