Jandarm və yadplanetlilər

Sen-Trope şəhərinin asayiş keşikçiləri və onların çavuşu Krüşo yer üzündəki bütün cinayətkarlara qalib gəldikdən sonra tamamilə fərqli bir təhlükə ilə üzləşirlər. Şəhərin yaxınlığına yadplanetlilər eniş edir və yerli sakinlərin arasına qarışmağa başlayırlar.

Gəlmələr xarici görkəmlərini dəyişərək adi insanların cildinə girə bilirlər. Onları həqiqi şəhərlilərdən fərqləndirən əsas cəhət yağ içmələri və su dəydikdə dərhal paslanmalarıdır. Krüşo və həmkarları bu hiyləgər qonaqları ifşa etmək üçün hərəkətə keçməlidirlər.

1978-ci ildə çəkilmiş «Jandarm və yadplanetlilər» filmi məşhur fransız komediya franşizasının növbəti hissəsidir. Rejissor Jan Jironun ekranlaşdırdığı bu fantastik kinoda baş rolları Lui de Fönes, Mişel Qalabrü, Moris Riş və Jan-Pyer Rambal canlandırıblar.