Rokko və onun qardaşları

Həyat yoldaşını itirən Rozariya Parondi dörd oğlu ilə birlikdə yoxsul Siciliya kəndini tərk edərək Milana köçür. Onlar böyük şəhərdə yaşayan digər qardaşın yanına gələrək ağır güzərandan qurtulmaq istəyirlər. Ailə üzvləri çörəkpulu qazanmaq naminə heç bir ağır işdən çəkinmirlər.

Tədricən gənclərin hər biri özünə bir məşğuliyyət tapır və şəhər mühitinə uyğunlaşmağa başlayır. Lakin Nadya adlı gənc qadının peyda olması qardaşların birliyini təhlükə altına qoyur. Bir zamanlar bir-birinə bağlı olan ailənin münasibətlərində ciddi çatlar yaranır.

1960-cı ildə ekranlara çıxan «Rokko və onun qardaşları» filmini rejissor Lukino Viskonti çəkib. Fransa və İtaliyanın birgə istehsalı olan bu dram filmində baş rolları Alen Delon, Renato Salvatori, Anni Jirardo və Katina Paksinu canlandırıblar.