Məxmər əllər

Zərgərlik dükanları üçün qırılmaz şüşələr hazırlayan Qvido Kviller bu ixtirası sayəsində böyük sərvət toplayıb. Lakin onun bu uğuru həm sığorta şirkətlərini, həm də qarətçiləri ciddi şəkildə qəzəbləndirir. Sevgilisinin unutduğu çantanı qaytarmaq üçün tələsən mühəndis mopedin əyləcinin xarab olması ucbatından fəvvarəyə yuvarlanır.

Hadisanı izləyən oğru ailəsi əlində qadın çantası olan Qvidonu təcrübəsiz cibgir zənn edir. Üzərindən heç bir sənəd tapılmayan zərərçəkəni öz evlərinə aparırlar. Kviller bu ailənin gənc və cazibədar oğrusunun sevgisini qazanmaq üçün özünü kasıb bir cani kimi qələmə verir, lakin tezliklə həqiqət üzə çıxır.

1979-cu ildə çəkilmiş «Məxmər əllər» filminin rejissorları Franko Kastellano və Cuzeppe Moççadır. İtaliya istehsalı olan bu komediyanın baş rollarında Adriano Çelentano, Eleonora Corci, Con Şarp və Olqa Karlatos çəkiliblər.