Fantomas Skotland-Yarda qarşı

Ələkeçməz cinayətkar bu dəfə varlı insanları hədəf seçərək onlardan böyük məbləğdə vergi tələb edir və əvəzində həyatlarını bağışlayacağını bildirir. Təhlükə altında olan növbəti imkanlı şəxsi qorumaq üçün komissar Juv, jurnalist Fandor və Helen birlikdə Şotlandiyaya yola düşürlər.

Qəhrəmanlar hədəfə çevrilmiş zadəganın qədim qəsrinə yerləşirlər. Onlar qəsr sahibinin təhlükəsizliyini təmin etməklə yanaşı, baş verən qəribə hadisələri aydınlaşdırmağa və nəhayət hiyləgər qatili yaxalamağa çalışırlar.

«Fantomas Skotland-Yarda qarşı» macəra komediyası 1967-ci ildə Fransa və İtaliyanın birgə istehsalı kimi rejissor Andre Yunebel tərəfindən lentə alınıb. Bu film məşhur trilogiyanın son hissəsidir və əsas rolları Jan Mare, Lui de Fönes, Milen Demonjo və Fransuaza Kristof canlandırıblar.