Böyük tətil

Özəl internat məktəbinin direktoru cənab Boskye böyük oğlu Filippin ingilis dili imtahanından kəsilməsini ailə adına böyük ləkə hesab edir. Nüfuzunu qorumaq istəyən ata tətil zamanı oğlunu dil öyrənməsi üçün Britaniyaya göndərmək qərarına gəlir. Həmin mübadilə proqramı çərçivəsində Boskye ailəsinə fransız dilini təkmilləşdirmək istəyən Şirli Mak Farrell adlı ingilis məktəbli qız gəlir.

Filippin isə tamam başqa planları var və o, dostları ilə çoxdandır arzuladığı yaxta səyahətinə çıxmaq niyyətindədir. O, öz yerinə İngiltərəyə məktəb yoldaşı Mişoneni yola salır. Yad yeməklərə öyrəşməyən Mişone tezliklə xəstələnir və narahat ata dərhal qonşu ölkəyə yollanaraq yalanın üstünü açır. Doğma oğlunun Şirli ilə birlikdə dənizdə olduğunu anlayan Boskye qızın atası hər şeyi öyrənmədən qaçqınları tapmaq üçün tələsir.

1967-ci ildə ekranlara çıxan «Böyük tətil» (The Great Vacation) komediyasını fransız rejissoru Jan Jiro çəkib. Fransa və İtaliyanın birgə istehsalı olan bu filmdə baş rolları Lui de Fünes, Ferdi Meyn, Martina Kelli və Fransua Leççiya canlandırıblar.