Yaşayan ölülərin gecəsi

Barbra və qardaşı Conni kimsəsiz kənd qəbiristanlığını ziyarət edərkən gözlənilməz hücuma məruz qalırlar. Onlara qəbirlərdən qalxmış meyitlərə bənzəyən qəribə məxluqlar hücum edir. Canını qurtarmağa çalışan Barbra yaxınlıqda yerləşən tənha bir evə sığınır.

Tezliklə bu məkanda digər insanlar da gizlənir. Evə qaradərili gənc Ben, Harri və Helen Kuper cütlüyü qızları Karen ilə, eləcə də bir-birini sevən Tom və Cudi pənah gətirir. Təhlükə ilə əhatə olunmuş bu yad insanlar eyni dam altında qalmaq məcburiyyətindədir.

ABŞ istehsalı olan «Night of the Living Dead» qorxu filmini 1968-ci ildə rejissor Corc A. Romero çəkib. Əsas rollarda Dueyn Cons, Cudit O’Dey, Rassel Strayner və Karl Hardmen çıxış ediblər. Bu ekran əsəri eyniadlı franşizanın ilk filmidir.