Ölülər günü

Bütün planet dirilmiş ölülərin nəzarəti altındadır və sağ qalmış bir ovuc insan bu kütləyə qarşı mübarizə aparmaq məcburiyyətindədir. Zombilərin qarşısını almaq üçün göstərilən bütün cəhdlər nəticəsiz qalır. Yaranmış vəziyyətdə xilas yolu tapmaq getdikcə çətinləşir.

İnsanlar arasındakı daxili təhlükə isə vəziyyəti daha da gərginləşdirir. Alim Loqan dəhşətli varlıqlardan itaətkar və məğlubedilməz əsgərlər yaratmaq qərarına gəlir. Çox keçmir ki, sağ qalanların törətdiyi təhlükənin zombilərdən heç də geri qalmadığı aydın olur.

1985-ci ildə ABŞ-da istehsal olunmuş «Day of the Dead» qorxu filminin rejissoru Corc A. Romerodur. Əsas rollarda Tom Ardolino, Entoni Dileo kiçik, Ralf Marrero və Kim Maksvell çəkiliblər.