Son təyinat 2

Dostları ilə istirahətə yollanan Kimberli magistral yolda dəhşətli qəzanın baş verdiyini görür. Yük maşınından dağılan şalbanlar ard-arda avtomobillərin toqquşmasına səbəb olur və qız özü də daxil olmaqla çox sayda insan həyatını itirir. Həmin an özünə gələn Kimberli hələ də sükan arxasında olduğunu, baş verənlərin isə xəbərdarlıq edən qarabasma olduğunu anlayır və yolu bağlayaraq arxadakı maşınları fəlakətdən qoruyur.

Təsadüfən sağ qalan sürücülər və sərnişinlər tezliklə anlayırlar ki, qaçılmaz sondan yaxa qurtarmaq mümkün deyil. Ölüm öz siyahısına düşən qurbanları ardıcıl olaraq təqib etməyə başlayır və hər bir xilas olan insanı növbəti təhlükə gözləyir.

«Final Destination 2» qorxu filmi 2003-cü ildə rejissor Devid R. Ellis tərəfindən ABŞ və Kanadanın birgə istehsalı kimi lentə alınıb. Bu ekran əsəri məşhur franşizanın ikinci hissəsidir. Əsas obrazları Eli Larter, A.C. Kuk, Maykl Lendis və Devid Petkau canlandırıblar.