Son təyinat 4

Avtomobil yarışları zamanı Nik qəfil baş verəcək dəhşətli fəlakət haqqında öncədən görüntü görür. Həmin qəzada özünün və yaxın dostlarının həlak olacağını anlayan gənc dərhal təşviş qaldırır. Onun xəbərdarlığı sayəsində bir neçə nəfər qəzadan bir an öncə tribunaları tərk edərək ölümdən qurtula bilir.

Lakin faciə gerçəkləşdikdən sonra məlum olur ki, xilas olmaq heç də asan deyil. Ölüm öz planını tamamlamaq üçün sağ qalanların hər birini növbə ilə təqib etməyə başlayır. Qəzadan qaçmağı bacaran insanlar qaçılmaz taleyin onların arxasınca düşdüyü reallıqla üzləşirlər.

ABŞ istehsalı olan «The Final Destination» qorxu və triller filmini rejissor Devid R. Ellis çəkib. 2009-cu ildə təqdim olunan ekran əsərində baş rolları Bobbi Kampo, Şantel VanSanten, Sesil Monteyn və Stefani Onore canlandırıblar.