Yaxşı, pis, qəddar

Hadisələr Vətəndaş müharibəsinin alovlandığı Vəhşi Qərb torpaqlarında cərəyan edir. Üç amansız silahlı gizlədilmiş qızıl xəzinəsinin izinə düşür. Təkbaşına sərvətə çatmağın mümkünsüzlüyü ucbatından onlar istəmədən də olsa, qüvvələrini birləşdirmək məcburiyyətində qalırlar.

Lakin cinayətkarların qurduğu bu müvəqqəti ortaqlıq heç də möhkəm deyil. Müharibənin viran qoyduğu ərazilərdən keçərkən hər kəs yalnız öz xeyrini güdür. Yol yoldaşlarına zərrə qədər inanmayan silahdaşlar silahlarını bir an belə əllərindən yerə qoymur və ayıq-sayıq davranırlar.

1966-cı ildə ekranlara çıxan «Il buono, il brutto, il cattivo» filminin rejissoru Sercio Leonedir. İtaliya, İspaniya, ABŞ və AFR-in birgə istehsalı olan bu lentdə əsas rolları Klint Istvud, Li Van Klif, İlay Uollak və Aldo Cuffre canlandırıb. Əsər «Dollar trilogiyası» silsiləsinə daxildir.