Ümid

Əyalət şəhərciyində təcili tibbi yardım feldşeri işləyən Nadejda adi bir həyat sürür. Növbələrin birində onun xidməti maşını şəhərin vitse-merinin avtomobili ilə toqquşur. Qadının möhkəm xarakterini görən məmur onu tovlamağa çalışır, lakin gözləmədiyi qətiyyətli rədd cavabı alır. Bu inadkarlıq məmuru daha da qızışdırır və o, öz istəyinə çatmaq üçün təzyiqlərə əl atır.

Ailəsini və şəxsi azadlığını qorumaq istəyən qadın gözlənilməz addımlar atmağa məcbur qalır. Nadejda libasını dəyişərək gizlənir və hətta silah dolu yük maşınını qaçırır. Beləliklə, o, doğmalarının təhlükəsizliyi naminə silah alverçiləri və cinayətkar dəstə ilə təkbətək mübarizəyə qoşulmalı olur.

2011-ci ildə çəkilmiş «Надежда» kriminal melodram serialının rejissoru Qriqori Jixareviçdir. Layihədə əsas rolları Natalya Burmistrova, Andrey İvanov, Sergey Mardar və Roman Ageyev canlandırıblar.