Saat

İyirminci əsrin ortalarında televiziya sahəsində xəbər hazırlamaq böyük məhdudiyyətlərlə üzləşirdi. Britaniya istehsalı olan «The Hour» dram serialı 1950-ci illərdə dünya hadisələrinə həsr olunmuş yeni analitik proqram yaratmağa çalışan jurnalistlərin fəaliyyətindən bəhs edir.

Televiziya komandası həm siyasətçilərin, həm də BBC rəhbərliyinin güclü müqaviməti ilə toqquşur. Həmin dövrdə rəsmi dairələr xəbərlərin birbaşa efirdə yayımlanmasına qarşı çıxır və parlamentdəki müzakirələrin televiziyada işıqlandırılmasına qoyulan qadağanı saxlamağa çalışırlar.

Serial 2 mövsümdən ibarətdir və ilk dəfə 2011-ci ildə nümayiş olunub. Layihənin rejissor kürsüsündə Cemi Peyn və Harri Bredbir əyləşib, əsas obrazları isə Romola Qaray, Ben Uişou, Dominik Uest və Anna Çansellor canlandırıblar.