Qeri Kuper

Doğum tarixi

7 may 1901 · Buğa

Ölüm tarixi

13 may 1961 (60 yaş)

Doğum yeri

Helena, ABŞ

Boy

1.91 m

Qeri Kuper — məşhur Amerika kino aktyorudur. Əsl adı Frenk Ceyms Kuper olan sənətçi 7 may 1901-ci ildə ABŞ-ın Montana ştatının Helena şəhərində anadan olub. Məktəbi bitirdikdən sonra Qrinnell kollecində təhsil alan gənc Kuper tələbə teatr tamaşalarında çıxış etsə də, əvvəlcə aktyorluq karyerasını düşünmürdü. O, ailəsinin rançosunda işləyir, müxtəlif müvəqqəti işlər görür, komikslər çəkir və qəzetdə işləmək istəyirdi. 191 sm boya malik olan Kuperin kino bioqrafiyası 1925-ci ildə kütləvi səhnələrdə çəkilməklə başladı. Prodüserlər onun xarici görünüşünü bəyənərək epizodik rollar təklif etdilər və tezliklə o, Paramount studiyası ilə müqavilə imzaladı. 1929-cu ildə çəkilən «The Virginian» filmi onun ilk böyük işi oldu. 1930-cu illərin əvvəllərində «Morocco», «A Farewell to Arms» və «Mr. Deeds Goes to Town» filmləri ona böyük şöhrət gətirdi. Qeri Kuper 1942-ci ildə «Sergeant York» filmindəki baş roluna görə ilk «Oskar» mükafatını qazandı, on il sonra isə «High Noon» ekran əsəri ilə ikinci dəfə bu mükafata layiq görüldü. Qeri Kuperin iştirakı ilə filmlər sırasında 1957-ci ildə Frenk Flannaqan obrazını canlandırdığı «Love in the Afternoon», eləcə də «Man of the West» və son işi olan «The Naked Edge» mühüm yer tutur. 1961-ci ilin aprelində dünya kinosuna verdiyi töhfələrə görə üçüncü fəxri «Oskar»ını alan aktyor, həmin il 13 may tarixində prostat xərçəngindən vəfat etmişdir.