Elişa Katbert

Doğum tarixi

30 noyabr 1982 (43 yaş) · Oxatan

Doğum yeri

Kalqari, Kanada

Elişa Katbert — məşhur layihələrdəki rolları ilə tanınan kanadalı aktrisadır. O, 30 noyabr 1982-ci ildə Kanadanın Kalqari şəhərində mühəndis və evdar qadının ailəsində dünyaya göz açıb, kiçik bacı və qardaşı ilə böyüyüb. Təhsilini Sentennial regional orta məktəbində alıb. Karyerasına gənc yaşlarında başlayan Elişa 17 yaşında Hollivuda köçüb və cəmi bir neçə həftə sonra «24» (2001) serialında Kim Bauer obrazını qazanıb. Bu rola görə o, 2003 və 2005-ci illərdə ABŞ Kinoaktyorlar Gildiyasının Mükafatına nominasiya əldə edib. 2001-ci ildə isə «Lucky Girl» filmindəki roluna görə «Gemini» mükafatına layiq görülüb. Elişa Katbert filmləri və serialları tamaşaçılar arasında böyük maraqla qarşılanır. Onun yaradıcılığında «The Girl Next Door» (2004), «Love Actually» (2003) və «House of Wax» (2005) kimi layihələr xüsusi yer tutur. Aktrisanın şəxsi həyatına gəldikdə, o, 2013-cü ildən xokkeyçi Dion Fanöf ilə evlidir; cütlüyün Zafayr adlı bir qızı və Feybl adlı bir oğlu var.