Asteriks və Obeliks Britaniyada

Bizim eradan əvvəl əllinci ildə Yuli Sezar öz qoşunlarını dünyanın sonundakı sirli Britaniya adasını fəth etməyə göndərir. Roma ordusu qısa müddətdə demək olar ki, bütün ərazini ələ keçirir, lakin balaca bir kənd müqaviməti dayandırmır. Gücləri tükənmək üzrə olan kraliçə Kordeliya ən sadiq zabiti Krasovaksı kömək üçün Qalliyaya, romalılara qarşı mətanətlə vuruşan digər məşhur kəndə yollayır.

Qalliyada isə Asteriks və Obeliksin başı başqa qayğılara qarışıb. Kənd rəhbəri Lutetsiyadan gəlmiş ərköyün qardaşı oğlu Qadoriksi əsl kişiyə çevirməyi onlara tapşırıb və bu vəzifə çox çətin görünür. Krasovaks kəndə çatdıqda yerli sakinlər ona sehirli iksir çəlləyi verirlər, qəhrəmanlarımız isə təcrübə qazanması üçün gənci də götürüb Britaniyaya üzürlər. Lakin bu təhlükəli səfər gözlənilməz sınaqlarla müşayiət olunur.

«Asteriks və Obeliks Britaniyada» komediya filmini rejissor Loran Tirar lentə alıb. Fransa, İspaniya, İtaliya və Macarıstanın birgə istehsalı olan 2012-ci il ekran əsəri məşhur Asteriks filmləri seriyasına daxildir. Əsas rolları Jerar Jünyo, Jan-Lui Barselona, Stefan De Qrodt və Alban Kasterman ifa edirlər.