Asteriks Olimpiya oyunlarında

Yeni eradan əlli il əvvəl Roma İmperiyası demək olar ki, bütün Qalliyanı özünə tabe etmişdi. Yalnız tək bir kənd müstəqilliyini qoruyur və yerli sakinlər öz məğlubedilməzliyinə güvənərək işğalçılara boyun əymirlər. Bu kəndin sakini Polubviks yunan şahzadəsi İrinaya aşiq olur. Lakin böyük siyasət ucbatından İrinanı Yuli Sezarın oğlu Bruta ərə vermək istəyirlər. Şahzadə bu evlilikdən qaçmaq üçün yalnız Olimpiya Oyunlarının qalibinə ərə gedəcəyini bəyan edir.

Polubviks sevdiyi qızın qəlbini qazanmaq üçün yarışlara qatılmağa qərar verir. Ona hazırlıqlarda hər kəsdən güclü və fəndgir olan məşhur dostlar — Asteriks və Obeliks kömək edirlər. Digər tərəfdən isə hiyləgər Brut qələbəni əldən verməmək məqsədilə gizli planlar qurur.

2008-ci il istehsalı olan «Asteriks Olimpiya oyunlarında» komediya filmi Fransa, Almaniya, İspaniya, İtaliya və Belçikanın birgə əməkdaşlığı ilə çəkilib. Ekran əsərinin quruluşçu rejissorları Toma Lanqmann və Frederik Forestyedir. Əsas rolları Fransisko Ardura, Adriana Karembe, Doroti Cemma və Vanessa Hessler canlandırıblar.